الثوره رجعت الامل للشباب تاني بعد ما كان كلوا فاقد الامل و كل الشباب كانوا بيتمنوا اي فرصه عشان يهجوا من البلد حتي لو هيموتوا وهم بيحاولوا
قبل الثوره كانت منظمات المجتمع المدني شغلها كله خيري وبيكون شغل علي الضيق ومش كبير بسبب الملحقات الامنيه عشان ميظهرش اد ايه فشل الحكومه وعشان الحزب الوطني يستغل فقر الناس في الانتخابات
والحمد لله بسبب الثوره خلصنا من الملحقات الامنيه وفتحت المجال للجمعيات زي صناع الحياه ورساله وغيرهم يشتغلوا بحريه من غير ما حد يوقفهم او يمنع شغلهم
و شباب كتير انضم للجمعيات دي عشان عاوز يخدم البلد ويخدم الناس ويحاول يغير ويخرج الطاقه والابداع الي جواه ف الجمعيات دي
شباب كتير بقي همه البلد ومتابع اخبار وبقي يتكلم ومش بيخاف وبيعبر عن رائيو وبحاول يطور من نفسوا ويستفيد عشان يفيد البلد دي
وشوف اد ايه شباب بقت تعمل افكار مختلفه لخدمه البلد ورسمه فرحه وبسمه علي وشوش الناس وشوف كام شاب بقي يقرا بعد الثوره
الثوره رجعت للناس حب البلد دي و الدليل ان كله بقي يتكلم في السياسه وكلوا بقي بينشغل بلاحداث الي بتحصل في البلد من مظاهرات او انتخابات
و مثلا بيهاجموا المظاهرات عشان حاسيين انها هتضيع البلد او بيشتمو فالاخوان عشان حاسيين انهم مضيعين البلد فده دليل ان الناس خايفه علي مصر
قبل الثوره كان الناس عارفة ان مبارك عمل مصايب او اي حاجه يقولوا هي بلدنا خليهم يعملوا الي عاوزينه بس دلوقتي الاحساس اتغير
خليك متفائل و إحمد ربنا علي التغيير الي عملته الثورة احنا ضلينا الطريق شويه بس هنرجع بإذن الله و نشوف مصر الي حلمنا بيها ساعه الثوره
وقبل ما تغير ف البلد ابدأ غير من نفسك وابقي انسان كويس وهتلاقي بعد كده البلد كلها بتتغير وتبقي كويسه بس الاول ابدأ بنفسك انت.
