من النهارده ودعى مواد التنظيف القاسية و وفرى فلوسك علشان من الخل هتخلى الازاز بتاعك بربرق ههههههه
والازاز عموما لازم يتنظف اول باول واحنا لازم نوفر على قدر المستطاع فبنحاول دايما نجيب حلول بديله لاى حاجه بنشتريها هقولك على طريقه سهله وموفره كمان لتنضيف الزجاج عموما …….
الادوات الازمه
صابون سايل
قماش قديم للتنظيف ويفضل يكون قطن
خل طبعا اااااااا
و بس كده
هتجيبى طبقين بلاستيك ودول عموما بيكونوا للتنظيف مينفعش نستخدمهم فى اى غرض تانى علشان الاتربه والميكروبات خلى بالك …………….
الطبق الاول نحط فيه مايه دافيه مع شويه صابون سايل ولكل اتنين كوب ماء ربع كوب خل والطبق التانى مايه عاديه
الطريقه :
لو الشباك متسخ اوى كترى الصابون السايل شويه ومع الاستمراريه بيكون سهل
اول حاجه اغسلى من حوالين الازاز بقماشه مبلله لو الشباك الموتال اغسلى مكان الجرارت بيكون فيها تراب ومتنسيش المقبض بتاع الشباك .
تانى خطوه بتجيبي قماشه وتحوطيها فى المايه ام صابون وخل وتعصريها علشان متنزلش مايه وتبتدى من فوق لتحت اعملى جنب خلى بالك من نظافه القماشه وخلى اكتر من واحده وارميهم لما تخلصى خلصتى الجنب ده هاتى بقي قطعه قماش وبليها فى طبق المايه اللى من غير صابون واعصريها وامسحى الجنب اللى عملتيه ممكن تجيبى قطعه قماش مش مبلوله وتبتدى تمسحى بيها المايه او الرطوبه اللى على الازاز بس دى بتخلى زى خطوط كده رفيعه ودى حلها انك تمسحى بالطول بس او بالعرض بس علشان متبنش بس انا بفضل ورقه جرنال وتمسحى بيها افضل ومبتخليش حاجه على الازاز واتفرجى بقي على اللمعان والنضافه والتوفير وكمان حافظتى علىى البيئه لانك متستخدمتيش مواد ضاره ويارب يكون الموضوع مفيد …………….
