احلي حاجه في الدنيا الرجل الرحيم ،ايه المشكله لو ساعد مراته في شغل البيت،الحكايه اني زي اي ست بتشتغل اول اما ادخل اجري علي المطبخ ،الغدا ده اهم حاجه لان بعده الراحه والنوم او النزول للدروس او تدريب النادي وانا من الستات اللي بيجهزوا الاكل من باليل يعني اجي احضر اسخن احمرتبقي حاجات بسيطه،وحتي لو ايه مبحاولش اجيب اكل من بره حتي لو ايه بموت لانه ميزانيه مش هقدر عليها ،تصوروا واحده لراجعه الساعه 3 الظهر مش شايفه قدامها من الحر والتعب وانا مدرسه يعني امتحانات و لجان واخر السنه الاهالي واسئلتهم عن الشهادات،راجعه وطبعا البنات اخدوا الاجازه بعد ما الدروس شطبت علي القرشين اللي اتحوشوا والحمد لله تصوروا اوضيتهم كانت عامله زي البلد في ساعة الثوره كل اللي طلع مني ساعتها كلمة يالهوي ماقدرتش اقول غيرها ،واجري وراهم كان نفسي اطولهم بين ايدي بس ماكنش فيه عندي نفس كنت خلاص هموت قلبي هيقف ،لواال زودها ان الباشا كل ده كان في اوضته رجع بدري وسابوهم يدمروا الاخضر واليابس، طب زعق اشخط فين هيبتك هي دي مساعدتك لي طب انا بهون اوي كده غيرك بيساعد مراته يقطع سلاطه يرتب ينشر الهدوم يشتري الطلبات يعمل اي واجب يعني دروس مابتوديش ولا تمرين النادي والعربيه معاك بس انا هخبطها اصلك مش كل كام شهر بتعمل كده مثلا،طب المفروض رد فعلي يكون ايه البيه بيلومني اني بزعق وبيفهمني ان من اصول التربيه الحديثه التفاهم طبعا الباشا لاهيلم اللعب ولا الهدوم ولا هيوضب غدا ولاالمواعين ولاحاجه هيتغدي وينام وينزل باليل وانا اولع اموت عادي هو الباشا واحنا اللي في الوسيه مع انا النبي صلي الله عليه وسلم كان بيساعد اهل بيته ولنا في رسول الله اسوه حسنه بس مين هو مابياخدش غير اللي هو عايزه من الدين،طب لو حد مكاني يعمل ايه يقول :عاقبيهم عقاب معنوي طب مش هرد ،مبقيتش قادره ماهو حضرتك برده بتكسر كلامي اما فليسوفة الغبره الكبيره تناقشك والسوسه الصغيره تعيط لك وتقول:معلش ياماما مش هينين عليا اقول بقي يالهوي ولا ماقولش يالهوووووووووووووووي.
