السلام عليكم ورحمه الله وبركاته ………..
من غير كلام كتير الطريقه دى شوفتها عند واحده صحبتى وعجبتنى جدا لقيت علبه عندها شكلها غريب كده فبقولها ايه دى قالتلى دى سلاكات سنان ؟؟؟؟؟؟ ايوه انا عارفه انها بتكون رخيصه بس انا بفضل اى مكونات طبيعيه بتكون مضمونه اكتر .
طيب عاملاها من ايه ؟؟؟؟؟؟؟؟؟؟ عارفين قالتلى ايه من النعناع …………….
الطريقه :
بنجيب نعناع ربطه مثلا زى الصوره كده ونغسلها كويس جدا اكتر من مره علشان التراب وتسبيها تتصفى كويس وتسبيها تنشف اكتر من يوم لو هتحوطيها فى الشمس ممكن تغطيها الاول باى قماشه خفيفه علشان الاتربه والعوادم لانك مش هتغسليها تانى لما تتاكدى انها نشفت هتعرفي بان الورق بيعمل زى بودره كده مش طرى او زى ما تحبى تشيلى الورق من على العيدان تحتفظى بالورق (نعناع ناشف ) اما العيدان هتاخدى المناسب منها وتقطعيه متساوى قدر المستطاع وتحطيه فى برطمان ازاز وممكن تزينيه بشريط ستان وتحوطيه كزينه على السفره لما يكون عندك ضيوف اكيد كلهم هيسالوا عليه زى مانا سالت وبجد هتكون حااجه مميزه عندك وعلى الاقل حاجه طبيعيه وعارفه مصدرها ومتاكده من نضافتها
وبالنعناع ممكن تحطيه على المحشي او الشاع بالعناع او ممكن عصير ليمون بالنعناع
اتفضلى معانا ودى طريقته
لكل لتر ماء اربع حبات ليمون وسكر ونعناع حسب الرغبه
فى الخلاط المايه والليمون والسكر والنعناع ونضرب كويس ونصفيه ويقدم وبالف هنا
