عمال مصر لهم عيدهم يوم 1 مايو من كل عام ولكن العمال دول مش بيقدروا يحتفلوا بيه ولا بيقدروا يجيبوا أي حاجة من متطلباتهم الأساسية….. هل مصر هتنهض بهذة الطريقة؟ أن العمال يشتغلوا و يتعبوا عشان شوية فلوس متيعيشهمش في هذا الغلاء فكل شيء أصبح في أرتفاع و يُقال الموزانة الدولة عليها ديوان كثيرة. و مفيش زيادة في رواتب العاملين بالدولة طيب ليه؟ ذنبهم أيه؟ هل هم اللي هايسددوا الديون اللي علي الدولة بالمال اللي مش معيشهم لأخر الشهر؟ العمال هم أكتر ناس بتتعب في الدولة مش الناس اللي قاعدة علي المكاتب و بتقبض مئات الالاف. طيب و دول اللي مش عارفين يعيشوا ولا يعلموا أولادهم تعليم كويس لأن مفيش معاهم فلوس كافية! مين يجيب حق أيادي العمال التي تتعب ولا تلقي غير الظلم الشديد رغم أنهم هم من يرفعوا مصر!! ما العمل في ما يحدث من اهانة لعمال مصر اللي ممكن بسبهم مصر تكون دولة متقدمة بس أعطوا لهم حقهم متأخذوش منهم حقوقهم و تقولولهم البلد مفهاش فلوس و هنجيب فلوس لرواتبكم.
بالطريقة دي الاقتصاد مش هيزيد ولا هتتقدم مصر بين الدول الاخري و هيفضلوا يقولوا علينا عالم تالت لأن احنا بالفعل عالم تالت, احنا متأخرين في كل شيء: تعليم, أقتصاد, صناعة, زراعة كل شيء و منين نكون عالم أخر مش ثالث طول اما مبيدوش الناس اللي بتطلع أنتاج حقهم “فلا تأخذوا الحق من أصحاب الحق” و تقول نهضة علي أي أساس تقال هذة الكلمة الكبيرة أم يكون في شيء حقيقي مش في أي وقت هذه الكلمة بتتقال كل شوية… يقال مصر نهضت!! متي؟ و كيف؟ كلام في الهواء يتبخر مثل الماء نريد فعل مش مجرد كلام لا فائدة نريد أفعال ولا نريد كلام في الهواء لأن الهواء اصبح ملوث بكلام المخادعين .
