بجد حلوه اوى وسهله انا جربتها وعجبتنى اوى وكانت كتغيير مع شيبسى وكاتشب وبيبسى
المقادير
لفه جلاش
كوب سمن
كوب جبن شيدر او رومى
فلفل الوان
زيتون مقطع شرايح
طماطمم مكعبات
معلقه زعتر
لحمه مفرومه او سوسيس او اضافه انتى عايزاها انا عملتها باللحمه ( بنعصج اللحمه نفرم بصل كتير وفلفل ونجيب حته سمنه ونحط كله على النار بدون تشويح ولما تستوى نحط البهارات والملح علشان متاخدش وقت كبير فى السوى الطريقه دى سهله لما تكونى مستعجله )
الطريقه
نسيح السمن على النار
ونسيب الجلاش يفك علشان يكون سهل فى الاستخدام وميتقطعش
ندهن صينيه بالسمن
نحط راق جلاش وندهنه بالسمن بين كل ورقه وورقه ندهن بالسمن لغايه الورقه الخمسه
نحط الجبن الموتزريلا وجبن شيدر والفلفل والزيتون واللحمه المفرومه ونحط ورقه جلاش تانى ونضغط بالراحه ونحط سمنه وورقه كمان وبين كل ورقه وورقه لغايه منخلص لفه الجلاش وساويها من فوق لو فيه زيادات نحاول نداريها لان العين بتاكل الاول فلازم الصينيه تكون مرتبه .
ندخلها الفرن لمده تلت او اربع دقايق تلون بس من فوق ونطلعها تانى ونحط عليها
فلفل وجبنه موتزريلا وجبنه شيدر والزيتون وزعتر وطماطم واى اضافات تانيه نحبها
وندخلها الفرن تانى حتى السوى هتلاقى الجبن ساحت وشكلها تحفه وريحتها قريبه من البيتزا وطعمها زى الفطير البلدى باللحمه ههههه يعنى اكلتى اكتر من اكله فى اكله واحده .
بتتقدم ساخنه مع زيتون مخلل وكاتشب وبطاطس شيبسى وبالف هنا .
