يوميات زوجة مصرية جدا

يوميات زوجة مصرية جدا

الحلقه الاولي

اليوميات عباره عن قصص قصيره ابطالها اساسيين وفي طبعا ضيوف شرف الابطال
هم الزوجه حنان والزوج حسين والاولاد عمر ونور

حنان صحيت كالعاده زي كل يوم الساعه 6 صباحا جهزت الفطار وبدأت تصحي الاولاد عشان المدرسه
وبعد كده صحت حسين عشان الشغل حسين محاسب في بنك وحنان كانت بتشتغل بس بعد الاولاد
فضلت انها تكون معاهم في البيت عشان تربيهم كويس حنان وحسين قصه حب من سنين طويله
المهم الحوار ده دار بينهم

حسين: صباح الخير

حنان :صباح الخير ياحبيبي انا جهزت لك الفطار عشان تفطر قبل ما تروح البنك

حسين:لا انا متأخر وعندي شغل مهم لازم يخلص بسرعه

حنان: انا ما فطرتش مع الاولاد ومستنياك نفطر سوا

حسين:معلش ياحبيبتي افطري انتي ونتغدي سوا ان شاء الله لما ارجع

حنان:طيب ياحبيبي اجهز لك ساندوتشات تاخدها معاك

حسين:لا انا هفطر مع زمايلي

حنان فطرت وحسين نزل وبدأت العمل اليومي تنظف البيت وتغسل وتطبخ وطبعا لازم تخلص قبل ميعاد المدرسه عشان الاولاد بيرجعوا بتذاكر معاهم

حسين مجرد وصوله مكتبه السكرتيره قالت له ان مدير البنك سأل عليه وطلبه في مكتبه

حسين:صباح الخير يااستاذ أحمد

المدير:صباح الخير يا استاذ حسين اتفضل

حسين:حضرتك طلبتني خير

المدير :اه كنت محتاج منك خدمه انا عارف انه مش شغلك بس ده طلب مني انا ورجاء خاص انك تنفذه

حسين :انا تحت امرك اتفضل

المدير:في محاسبه جديده اتعينت عندنا في البنك وهي محتاجه شويه تدريب قبل ما تبدا تشتغل والموظفه دي هتبقي مسئوليتك انت لحد ما تقولي انه تقدر تشتغل وانهابقت تمام في الحسابات

حسين:اه طبعا تحت امرك وهي هتيجي امتي

المدير :بكره ان شاء الله

حسين:خلاص تمام انا من بكره هحاول اخلص شغلي بدري وممكن اقعد ساعتين بعد الشغل عشان اتابع معاها الشغل

المدير:انا عارف انك اد المسئوليه دي وطبعا نصف المحاسبين هنا انت اللي مدربهم وشغلك كله ممتاز

طبعا حسين وافق علي طلب المدير وماكانش عارف ان دي بدايه المشاكل خلص حسين شغله ورجع علي البيت

حسين: حنان ياحبيبتي انا وصلت فين الاولاد

حنان : الاولاد رجعوا من المدرسه واتغدوا وناموا شويه وهيصحوا عشان يذاكروا احضر السفره ولا لسه شويه

حسين : اه حضري السفره علي ما اغير هدومي انا جعان جدا اليوم اللي ما فطرتش معاكي فيه ما اكلتش لحد دلوقتي

حنان: ليه كده ياحبيبي مش قلت لك اعمل لك ساندوتشات وانت رفضت

حسين: معلش ما انتي عارفه الشغل اخدني ونسيت اكل

حنان: ثواني والاكل يكون علي السفره

ده طبعا يوم عادي جدا في حياه اي زوج وزوجه مصريين روتيني جدا انتظروا الحلقه الثانيه