قصيدة وجع زوجة
لسه بتقول بتحبنى
ازاى تكون بتحبنى
وانت مش بتغير عليا
ولا عمرك فكرت فيا
ازاى تقول بتحبنى
هو انت عارف يعنى ايه حب
الحب اصله بين اتنين
دايبين ف بعض ومش حاسين
حب يعنى لما تتاخر ابص ف الساعه
ولو سمعت حاجه عنك ااقول دى اشاعه
ياترى انت بتعمل كده
ولا بتقول بلا حب بلا بتاعه
لسه بتقول بتحبنى
وانت اول ما بترجع بتتعشى وتنام
وكان البيت مافيهوش مدام
بتستنى رجوعك بلهفه وهى متزوقه واخر تمام
ولما تضايق شويه تقولو عليها نكديه
بالذمه ياناس مش يبقى حرام
والله حرام
