فجاه لقيت عيد ميلادي قرب، وانا قاعده انا وزملائي في حجرة المدرسات قلنا واحنا بندردش هو كل واحد فينا عمل ايه ،اللي قالت انا اتجوزت ،واللي قالت انا اخدت دبلومه ،واللي حوشت واللي اشتريت واللي بتعمل واللي بتسوي واللي واللي، بس حاجه حصلت غريبه واحده فينا وهي الهاديه اللي دايما تتفرج من بعيد وتعلق وتمشي قالت :الانجاز انك تعمل اللي كان نفسك فيه وتكون لراضي عنه يعني تدخلي الكليه اللي كان نفسك فيه لااهللك ولا التنسيق جبرك عليها ،تشتغلي الشغل اللي كنتي نفسك تشتغليه ،وتتجوزي اللي حبتيه ،فجاه الكل تقريبا وافق علي راي ان الدنيا عمرها ما اديت حد حاجه هو عاوزها مش ممكن ،قالت مش مهم كله حتي لو حاجه اتنين كله تنح اللي قالت :انا اتجوزت اللي بحبه وياريتني سمعت كلام اهلي ،واللي قالت:ان اهلي جبروني علي جوزي عشان هو احسن واحد في اللي اتقدموا ،واللي قالت انا دخلت الكليه بمزاجي بس مش ده الشغل اللي اتمنيته ،واللي قالت الحمد لله احسم منغيرنا ،واللي قالت اهلي دخلوني كليه زي بنت عمتي مع انهم عارفين انها مش ميولي ،وواحده قالت لو علي الطريق والحسبهدي يبقي انا معملتش حاجه ،وهي دي الكلمه اللي علقت في بالي طول اليوم،في البيت قلت اشوف انجازاتي انا عندي 31سنه اتخرجت من الكليه اللي كنت بحبها بس مااشتغلتش الشغل اللي كان نفسي فيه ،اتجوزت وحبت جوزي بعد الجواز بس مش ده الراجل اللي حبيته ،نسيته وفين وفين اما بفتكره بس انا وجوزكي مابقاش بينا تفاهم بعد ما المسئوليات كترت وكل واحد فين بيجري ورا لقمة العيش ،اه مبخرجش ولا بربي ولادي زي ما انا عايزه اه سقف الحريه في تربيتي لهم عالي ونسبة تحكمي اكبر بس في حاجات هو بيفرض رايه فيها بتبوظ كل اللي بعمله في ثانيه ،اه انا بحب يكون الموهبه اللي جواهم انميها وهو بيحاول يقتلها عشانعقليته وتربيته المختلفه عني،فجاه لقيت ان انجازاتي بقت الكليه والشغل اللي غيري مش لقيه ،والجواز عشان غيري احسن مني وعانس ،واهم انجاز اولادي اللي غيري معندوش ظفرهم وبتمني زيهم لا يبقي الحمد لله علي انجازاتي كده انا بطله هيههههههههههههههههههه.
