رغم تكرار الأحداث اليومية الا ان الملل كان بعيدا كل البعد عن حياتي مع ليلو..ليس لكوني لا أمل ولكن لانني لا اتعامل مع معطيات ثابتة هي متغيرة ولكن بتكرار..لحظة افهمكم..فأنا اتعامل مع روح تسكن روحي..ومع أحداث هي الأقرب لقلبي..فبرغم كون الأحداث تتكرر الا اني اتفاعل معها بشكل مغاير وبالتالي رد الفعل يكون مختلف..
بس النهاردة قررت اني اخد ليلو ونروح لبابا اللي هو جدو..صحيح انا بحب بابا جدا..هو راجل ديمقراطي جدا..حنون..محترم للغاية وهادئ الطباع..أب محب للعلم وللمتعلمين ودائما كان يشحذ همتي للتقدم والاستمرار..مؤمن جدا بالمرأة وانها جزء لا يتجزأ من هذا المجتمع وان دورها يمكن كمان أكبر من دور الرجل..وان أمان أي بنت هو شهادتها..بابا حبيبي..
بحب ثقته فيا وطول عمري كنت أدها..حتى عندما لعب القدر لعبته وأراد الله لي ان التقي بنصفي الآخر كان بابا أول واحد يعرف..على فكرة احنا دايما مختلفين بس عندنا ثقافة الاختلاف..أيوة دي ثقافة يفتقدها الكثيرون..ايه المشكلة لما اختلف معاك ؟!! ده مش معناه اننا بعيد عن بعض أو حتى متخانقين مع بعض..لأ..ده معناه ان طريقة معالجة دماغنا لهذا الموضوع مختلفة واكيد متفقة في نقاط أخرى ماهو مفيش اخلاف في المطلق..كان أبي قد منحني وسام الأخت الكبرى والمستشار الاجتماعي والثقافي وكانت ادارة الازمات والكوارث هي من أهم اداراتي داخل اسرتنا..الكليان اللي عمري ماشوفت ولا هاشوف زيه..كيان كيانا قويا للغاية..كان ؟!! أيوة كان..المهم المناصب دي كانت من نصيبي مش لأن بابا مش هايعرف يقوم بهذه المهام..بس لأنه كان مصر انه يقولي رأيك يهمني وتدخلك محمود.. وانه يقولي الصديق دائما هو أقرب الناس..فمابالك كونك صديقتي وابنتي.. احساسي بالموضوع طول عمره محرك قوي ليا خلال حياتي الماضية..
يللا يا ليلو عشان نكمل لبس ونروح لجدوووو حبيبك..
