قصيدة قبل ٢٥ يناير
تفتكروا مين فينا اللي صح؟
تفتكروا نهرب من بلادنا من جدورنا من جلودنا!
علشان نعيش ومنتفتنش و منكتئبش و منتإسرش!
ونبيع تاريخنا و نبيع بيوتنا و نبيع حياتنا ,
علشان في ناس مابتختشيش!!
ولا نكمل؟؟ ننصر بلادنا نرفع كتابنا ننشر صوابنا.
ولو مشينا وكل من كان مستاء هيمشي ..
فمين يغير, و مين يعمر .
ولا بلاش كلمة يغير..
عشان الكلام مابيتفهمش.
نمشي في سلام ندور علي حضن تاني يلمنا.؟
مش حضننا.!!
ولا ندافع نصلح ننضف دمنا ؟؟؟
ونعيش في حضن امنا.:)
أمي أنا ….
بلدي أنا ….
بلدي اللي أنا اترابيت في حضن حجرها…
اللي عشان تربها دمي يرخص لها…
بلدي يا ناس وبحبها ….
واكتبلها واشعرلها,
ولو احتاجتني اموتلها, راح اموتلها.
مبخفش من الموت م الظلم ولا م الحديد في اديا..
و هقولها يا بلادي لو رب العباد راضي خلاص كلي لها.
لو عالعيال !!!
فالي وجدهم مش هينسي ان وفاتي كانت لها..
هايربيهوملي أحسن ما كنت في طيها.
و تفتكروا مين فينا اللي صح؟؟؟
يمكنك الاطلاع على المزيد من القصائد الشعرية الرائعة مثل قصيدة قبل ٢٥ يناير من هنا
