لازم يكون عندنا قطع اثاث لونها فاتح ، لان بصراحه لونها بيكون مبهر جدا داخل المنزل وملفت ايضا وتكسر الالوان الغامقه ، وايضا تعطي وسع للحجره الموجوده فيها ، ” ومش معقوله ” هتغسلي الكنبه !!! ،
الشئ السئ ان فعلا الاثاث الابيض ده بيتحول لبقع و دائما ما يعطي شعور بعدم النظافه ، لكن في حل بسيط انا جربته وتتصورا انه نجح !!!!
هي خلطه بتتعمل فى البيت وسهله جدا ،وفي نفس الوقت غير مكلفه بالمره ،
المكونات : ربع كوب خل ابيض ، ربع كوب كلور ابيض او الوان ( مش هتفرق لان الخل بيحافظ علي الالوان ) ، نصف كوب مسحوق غسيل ،نصف جردل ماء .
- الكنبة البيضاء:
اخلطي الماء مع المكونات كلها جيدا واحرصي علي ان تذوب حبيبات المسحوق كلها ،ثم احضري فوطه بيضاء وبلليها في الخلطه واعصريها ، وامسحي الكنبه بها جيدا حتي تزول البقع ، و وبعدها جففيها بفوطه اخري بيضاء واتركيها تجف في الهواء ، ولكن احذري ان يلامسها احد ويداه متسختين لانها لن تزول بسهوله .
- السجاد:
وكذلك السجاد ساعات بتتبقع وبالاخص عندما يكون لديك طفل في المنزل ،و بيكون ميعاد التنظيف الخاص بيها لسه معداش ، او هي فعلا نضيفه لكن وقع عليها مشروب او شيكولاته او غيرها ، ابدأي اولا بوضع اسفنجه لتشرب بسرعه الشئ المسكوب واحرصي علي ازاله اي شئ متمسك بالسجاده ، احضري الخلطه ولكن ضعي كلور الوان واكثري كمية الخل وفرشاة بلاط ، وبللي الفرشاه في الخلطه وافركي مكان البقعه جيدا حتي لا يصبح لها اي اثر ،ارفعي السجاده وضعي قطعه قماش اسفل المنطقه المبلوله وفوق المنطقه المبلوله واتركيها لتجف ،
- الستائر:
ممكن ايضا تستخدمي هذه الخلطه علي الستائر ثقيله الوزن التي يصعب فكها ، باستخدام قطعه قماش بيضاء واتركيها معلقه حتي تجف ،
ملحوظه مهمه جدا : لازم تلبسي في يديكي قفاز ” جوانتي ” لان هذه الخلطه قويه وتسبب جفاف جلد اليد .
