تفتكروا مصر رايحه على فين ؟
“يا ترى على حرب اهليه ولا على فتنه طائفيه ولا تكونش رايحه على نهضه معديه؟؟ هتعدى بيها وتوصلها لبر امان وتخلينا نعيش فى سلام ؟
يا سلام طب النهضه دى هتيجى امتى لما كل شبابنا يموتوا ولا تكونش هتيجى لما يحصل فى بلدنا خراب ودمار اشكال الوان فى شمال وجنوب .
ولا يمكن نهضه هتيجى لما نزهق فى اللى اتولد وعاش فى البلد متربى فى خيرها معرفش غيرها فجأه يلاقى نفسه محارب فجأه يلاقى نفسه مطارد والاشاعات اشكال الوان اللى يقولك اصله مسيحى واللى يقولك مش على دينى طب وجيرانا ؟ طب واصحابنا ؟ طب دول اهل بلد زينا عاشوا وسكنوا كمان قبلنا انا عمرى ما فكرت فى جارى ان كان مسلم ولا مسيحى انا اتولدت لقيته قصادى ضحكته تمله وشه فى عينى اول مايشوفنى يسلم وبأعلى صوت يتكلم والضحكه بينى وبينه جرس يرن فى ودنى طب دلوقتى مطلوب ايه اجرى واصدق كلام يتقال انسى سنين عدت بالساهل اجرى وراه وامسكله سلاح انت لا صاحبى ولا انت جارى انت عدوى وهاخد تارى هو ده اللى اعمله وياه ؟
ولا اعمل ايه مش فاهم حاجه ؟ بس انا عارف انا هعمل ايه مش هيهم كلام يتقال مش هسمع تخارف وخلاص انا هعمل وغيرى هيعمل اللى انا مؤمن بيه وياه .
انا اتولدت فى ارضى وفيها هو كمان مولود وعاش من حقى اعيش واموت فى بلادى وهو كمان مسلم كنت او مسيحى انا بلدى “مصر” وفى غيرها مليش حياه .
ايدى فى ايده مهما يكون هنعدى كل طريق مليان اشواك وبصبر وعزم هنقدر نبنى بلادنا من غير نهضه . نبنى بأمل وبحب ملينا عمره ما خيب يوم امانينا انتى يا مصر عدا عليكى اشكال الوان واستحملتى .
احنا كمان لازم نستحمل .
اصل الام مهما بتدى لازم يوم اولادها يضحوا علشان هى تعيش فى سلام .
