الشوفان رغم قيمه الصحيه الكبيره والزنك اللى موجود فيه وبيساعد في نزول الوزن لكن كن نادرا انى الاقي وصفه حلويات بالشوفان وتعجبنى لاننا مش متعودين عليه بس الوصفه دى حلوه جدا طعمها شبه شيكولا بونتى واحلى كمان .
نبدا بسم الله :
المقادير :
- 2 كوب شوفان
- 1ونصف كوب جوزه الهند
- نصف كوب حليب مجفف
- نصف كوب زبده سايحه
- نصف كوب سكر ناعم
- 3\4 كوب قشطه
- 1 ملعقه صغيره حبهان ناعم جدا
- ربع ملعقه صغيره قرفه
الطريقه :
- يحمص الشوفان على نار هادئه لمده عشر دقائق
- يضاف الحليب المجفف وجوزه الهند لمده خمسه دقائق اخرى ويرفع عن النار مع التقليب المستمر
- يضاف الهيل و السكر والزبده والقرفه والقشطه ويقلب جيدا حتى تتجانس مع بعضها البعض
- نضع الخليط على ورق زبده وتفرد وتساوى الاطراف جيدا
- نغلق ورقه الزبده جيدا ونضع عليها اى شئ ثقيل وتدخل التلاجه من المساء وتترك حتى اليوم التالى
- تقطع بالسكين مربعات او مستطيلات او اى من الاشكال حسب الذوق والرغبه
- نبشر شيكولا ويتم وضعها على حمام مائى حتى الذوبان
- نغمس البسكويت في الشيكولا المذابه لتغطيها من جميع الجوانب وتترك على ورق زبده وتزين بجوز الهند او شوفان او مكسرات او بشيكولا بيضاء حسب الرغبه
- تقدم بشكل جميل ومرتب وبالهنا
البسكوت ده ناشف شويه يعنى هيا الوصفه كده ودى طبعا غاليه جدا لو هتشتروها من بره وسهله جدا في التحضير
المقادير
- 2 باكيت بسكويت ساده 165 للباكيت الواحد
- نصف كوب دقيق
- ربع كوب سكر
- 2 كوب شوفان
- 2 ملعقه كبيره جوزه الهند
- 50 جرام زبده
- 1 ملعقه صغيره بيكربونات الصوديوم
- ربع كوب ماء مغلى
- 2 ملعقه كبيره عسل نحل
طريقه التحضير
- يطحن البسكويت ويخلط مع الشوفان والسكر والدقيق وجوزه الهند
- نضع المكونات السائله والزبده ويخلط جيدا باليد ثم تفرد
- تقطع حسب الرغبه
- توضع في صينيه مدهونه وتدخل الفرن لمده 20 دقيقه
- يمكن تزيينها بالشيكولا الذائبه وتقدم وبالهنا
ملحوظة :
كى لا تشعرى بالتعب في هذه الوصفه يمكنك اعداد المكونات قبل التحضير ولن تشعرى بالتعب عند تحضيرها
