اشهر رباعيات عم جاهين

” عم جاهين ” هكذا كان يناديه البسطاء لانهم اعتبروه رجل الحكمه الذي يتكلم عن درب الحياه التي لا يستطيعو
ان يعبروا عنها ، الكثير يتعامل مع رباعيات عم جاهين وكانها ارث جديد للامثال والحكم الشعبيه ،
تركها صاحبها للغة العاميه حتي يصبح لها ارث من اب وليس ضيف عليعا ، اكثر موضوعات الرباعيات
كانت عن الحياه والانسان و الوضع السياسي والحب في مصر مثلا :

· تسلم يا غصن الخوخ يا عود الحطــب / بييجي الربيع .. تطلـــع زهورك عجب /
و انا ليه بيمضـــي ربيع وييجي ربيع / و لسه برضك قلـــبي حتة خشب . وعجبي

· قلبي عليل يا ناس و في الكاس دواه / مديت له إيدي شربت م اللي حــواه /
جنبي الشمال خف .. اليمين اتــــوجع / و إيه يداوي الكبد م اللي كــــواه

· دي مذكرات و كتبتها من ســنين / في نوتة زرقا لون بحور الحنيـــن /
عترت فيها .. رميتها في المهمـــلات / وقلت صحيح أما صحيح كلام مخبولين .

تعامل جاهين مع اعظم المشاعر التي يعجز اللسان عن ايجاد كلمات لها بمنتهي البساطه ، بل وخلدها بكتاباته ،

· دخل الشتا وقفل البيبان ع البـــيوت / وجعل شعاع الشمس خيط عنكبوت /
وحاجات كتير بتموت في ليل الشــتا / لكن حاجات أكتر بترفض تمــوت

· الدنيا من غير الربيع مـــيته / ورقة شجر ضعفــانه و مـــفـــتــته / –
لايا جدع غلطان تأمل وشوف / زهر الشتا طالع فــــــــي عز الشـــــتا

· ياللي انت بيتك قش مفروش بريش / تقوي عليه الريح .. يصبح ما فيش /
عجبيعليك حواليك مخالب كـــــبار / و ما لكش غير منقار و قادر تعيش

· رقاصه خرسا و رقصه من غير نغــم / دنيا . . يا مين يصالحها قبل النـدم /
ساعتين تهز بوجههـــا يعنـي / يترجرجوا نهديها يعني نعــــم

· إخطفني ياللي تحبني ع الحصان / الدنيا قالت يوم في ماضي الزمان /
إخطفني ياللي تحبني ع الــفرس / الدنيا قالت .. قام خطفها الشيطان

· من بين شقوق الشيش و شقشقت لك / مع شهقة العصافير و زقزقــت لك /
نهارجديد انا . . قوم نشوف نعــمليه / انا قلت يا ح تقتلني .. يا ح اقـــــتلك

· جالك أوان ووقفت موقف وجـــود / يا تجود بده يا قلبي يا بده تجــــود /
ما حد يقدر يبقي علي كل شــئ / مع إن – عجبي – كل شئ موجود

· أنا كنت شئ و صبحت شئ ثم شــئ / شوف ربنا .. قادرعلي كل شـــئ /
هز الشجر شواشيه ووشوشني قال / : لابد ما يموت شئ عشان يحيا شئ

· يا مشرط الجراح أمانة علـــيك / و انت ف حشايا تبص من حواليــك /
فيه نقطة سوده في قلبي بدأت تبان / شيلها كمان .. و الفضل يرجع إليك

· أيوب رماه البين بكل العـــــــــلل / سبع سنين مرضان وعنده شلل /
الصــــبر طيب .. صبر أيوب شفاه / بس الأكـــــــــاده مات بفعل الملل

· نسمة ربيع لكن بتكوي الوشـــــــوش / طيور جميلة بس من غير عشـــوش /
قلوب بتخفق إنما وحــــــــــدها / هي الحياه كده .. كلها في الفاشوش

· يا طير يا عالي في الســما طظ فيك / ما تفتكرشي ربنا مصطـــفيك /
برضــك بتاكل دود و للطين تعًًًًودًتمــص فيه يا حلو .. و يمص في

· كروان جريح مضروب شعاع م القمر / سقط من السموات فؤاده انكســـــر /
جريت عليه قطه علشان تبلعــــه / أتاريه خيال شعراء و مالهـــــوش أثر

· ياللي نصحت الناس بشـــرب النبيت / مع بنت حلوه .. وعود , وضحك , وحديت /
مش كنت تنصحهم منين يكســـبوا تمن ده كله ؟ / … و الا يمكن نســــــــيت

· ما حد في الدنيا واخد جزاتـــه / و لا حـــد بيفكر في غير لذاذاته /
ماتعرفيش يا حبيبتي .. أنا و انتي مين؟ / إنتي عروس النيل … و أنا النيل بذاته

· نظرت فوق للنجوم و انا ساير / رجليا عترت في الحفر و الحجاير /
بقيت أقولو انا ع التراب: يا سلام / مش بس عبره أخذت لكن عباير

· يا نجم .. نورك ليه كده بيرتجف ؟ / هو انت قنديل زيت ؟ أوتختلف / –
أنا نجم عالي .. بس عالي قوي / و كل ما انظر تحت اخاف انحدف

· السم لو كان في الدوا منين يضر ؟ / و الموت لو عدونا .. منين يسر؟ /
حط القلم في الحبر و اكتب كمان / .. و العبد للشهوات .. منين هو حر؟

· وقفت بين شطين علي قنطـــــرة / الكدب فين و الصدق فيـــــن يا تري /
محتار ح اموت .. الحوت خرج لي وقالي / هو الكلام يتقـــــاس بالمســـــــــطرة

· سرداب في مستشفي الولاده طويل / صرخات عذاب ورا كل باب وعويل / ..
وفي الطــــــريق متزوقين البنات / متزوقـــــــــــــين للحب و المواويل

· الدنيا أوضه كـــــــــــبيره للانتظار / فيها ابن أدم زيه زيالحـــــــمار /
الهم واحد .. و الملل مشــــــترك / و مفيش حمار بيحاول ينتطــــح حمار

· إيش تطلبي يا نفس فوق كل ده / حظك بيضحك و انتي متنكده /
ردت قالت ليالنفس : قول للبشر / ما يبصوليش بعيون حزينة كده

· إقلع غماك يا تور وارفض تلف / إكسر تروس الساقية و اشتم وتف /
قال : بسخطوة كمان .. وخطوة كمان / يا اوصل نهاية السكة يا البير تجف

· في يوم صحيت شاعر براحة و صفا / الهم زال والحزنراح و اختفي /
خدني العجب و سألتروحي سؤال / أنا مت ؟و لا وصلت للفلسفة

· الفيلسوف قاعد يفكر سيبوه / لا تعملوه سلطان و لا تصلبوه /
ما تعرفوش إن الفلاسفه يا هوه / اللي يقولوه بيرجعوا يكدبوه

· علي بعد مليون ميل من أرضنا / من الفراغ الكوني بصيت أنا /
لا شفت فرق بينجبال و بحور / و لا شفت فرق ما بين عذاب أو هنا

· إنسان أيا إنسان ما أجهلك / ما أتفهك في الكون و ما أضألك /
شمس وقمر وسدوم و ملايين نجوم / و فاكرها يا موهوم مخلوقه لك

· علي رجلي دم .. نظرت له ما احتملت / علي إيدي دم.. سألت ليه ؟ لم وصلت /
علي كتفي دم.. و حتي علي رأسي دم / أنا كلي دم .. قتلت ؟ ….. والا اتقتلت

· ورا كل شباك ألف عين مفتوحين / و انا وانتي ماشيين يا غرامي الحزين /
لوالتصقنا نموت بضربة حجر / و لو افترقنا نموت متحسرين

· انا كل يوم أسمع …….. فلان عذبوه / أسرح في بغداد و الجزاير واتوه /
ما أعجبش م اللي يطيق بجسمه العذاب / و اعجب من اللي يطيق يعذب أخوه

· يا قرص شمس ما لهش قبة سما / يا ورد من غير أرض شب و نما /
يا أي معني جميل سمعنا عليه / الخلق ليه عايشين حياه مؤلمة

· شاف الطبيب جرحي وصف له الأمل / وعطاني منه مقام يا دوب ما اندمل /
مجروح جديد يا طبيب و جرحي لهيب / ودواك فرغ مني …. و إيه العمل

أعرف عيون هي الجمال و الحسن / و اعرف عيون تاخد القلوب بالحضن /
و عيون مخيفة و قاسية وعيون كتير / وباحس فيهم كلهم بالحزن

· يا باب يا مقفول … إمتي الدخول / صبرت ياما و اللي يصبر ينول /
دقيت سنين … و الرد يرجع لي : مين ؟ / لو كنت عارف مين أنا كنت أقول

· أحب أعيش ولو في الغابات / أصحي كما ولدتني أمي و ابات /
طائر .. حوان.. حشرة .. بشر ..بس أعيش / محلا الحياة.. حتي في هيئة نبات

· سهير ليالي و ياما لفيت و طفت / و ف ليه راجع في الضلام قمت شفت /
الخوف … كأنه كلب سد الطريق / و كنت عاوز أقتله .. بس خفت

· عجبتني كلمة من كلام الورق / النور شرق من بين حروفها و برق /
حبيت أشيلها ف قلبي .. قالت حرام / ده أنا كل قلب دخلت فيه اتحرق

· رقبه قزازة و قلبي فيها انحشر / شربت كاس و اتنين و خامس عشر /
صاحبت ناس م الخمرة ترجع وحوش / و صاحبت ناس م الخمرة ترجع بشر

· نوح راح لحاله و الطوفان استمر / مركبنا تايهه لسه مش لاقيه بر /
آه مالطوفان وآهين يا بر الأمان / إزاي تبان و الدنيا غرقانه شر

· خرج ابن آدم من العدم قلت : ياه / رجع ابن آدم للعدم قلت : ياه /
تراب بيحيا … وحي بيصير تراب / الأصل هو الموت و الا الحياه ؟

· ضريح رخام فيه السعيد اندفن / و حفره فيها الشريد من غير كفن /
مريت عليهم .. قلت يا للعجب / لاتنين ريحتهم لها نفس العفن

· ياما صادفت صحاب و ما صاحبتهمش / و كاسات خمور و شراب و ما شربتهمش /
أندمعلي الفرص اللي انا سبتهم / و الا علي الفرص اللي ما سبتهمش

· و الكون ده كيف موجود من غير حدود / و فيه عقارب ليه و تعابين ودود /
عالممجرب فات و قال سلامات / ده ياما فيه سؤالات من غير ردود

· أنا شاب لكن عمري ألف عام / وحيد لكن بين ضلوعي زحام /
خايف و لكن خوفي مني أنا / أخرس و لكن قلبي مليان كلام

ورحل جاهين عن عالمنا تاركا روحه ذكري خالده لدينا ، وافضل ما يقال عنه ” عم جاهين رجل الشارع المصري ” ولن اتفاجئ ان وجدت بائع ترمس يردد رباعيه من رباعياته لانه من البسطاء و سيظل حي في اذهانهم .