انا شخصيا بعتقد ان المايونيز البيتي افضل ميت مره من المايونيز الجاهز او بتاع المطاعم حتي
لانه ببساطه مبيضافلوش اي مواد حافظه او مواد كميائيه وبالعكس بيكون في تحكم في جوده المكونات ،
هتحتاجي عزيزتي قارئة موقع مقالات العزيزة خلاط او مضرب كهربائي وبيفضل الخلاط لانه اسهل في الاستخدام ،
المقادير :
بيضه كبيره _ كوب زيت عباد الشمس او النوع اللي بتفضليه
ملعقه صغيره ملح _ ربع ملعقة فلفل اسود
لمونه ( معصوره ومصفاه من البذور ) _ ملعقه صغيره من الخل الابيض العادي
الطريقة
انا بفضل اني استخدم البيضه كامله الصفار والبياض ، بتوضع في الخلاط ، وادئي في الخلط وضيفي الزيت ،
ارفعي ايدك لفوق وانتي بتضفيه لحد ميكون شكل الزيت خيط رفيع ،
عندما يبدا القواو في التشكل اوقفي الزيت لحظه وضيفي التوابل ( الملح والفلفل ) وابداي من جديد
كملي وضع الزيت ، ومع الزيت ضعي اللمون والخل واستمري بوضع الزيت حتي تنتهي الكميه في الكوب
اذا فصل المايونيز منك ضيفي صفار بيض زياده وارجعي للخفق مره تانيه ،
واحفظيه في الثلاجه لان الخل بيتفاعل مع دفئ الجو وبيسوي البيض ،
هيطلع مظبوط جدا نفذوه وقولولي رأيكم وبالهنا والشفا .
