حبيبي الاولاني

حبيبي الاولاني

اصعب احساس ان حبيبك يبعد عنك وتفرق بينكم الظروف لاي سبب مش مهم ،بس الاحساس
الاصعب انه بعد سنين تقابله فجاه ومعاك الشخص اللي ارتبط بيه ،طب ياتري اعمل ايه في
ثانيه تبقي مش عارف اكلمه ابص له اعمل مش شايفه،طب لوطلعنا قريبين في السكن مش
هعدي من الشارع ده تاني طب لو هو عدي من شارعي انا اعمل ايه اعزل من الشارع ده
مستحيل الذكري تتمسح وتختفي من حياتك ،

الحكايه اني اما بخرج بعدي من تحت بيت خطيبي الاولاني مع جوزي دايما اقول الله يمسيه
بالخير في سري من غير ماحد يحس بالي بتقوله ولا يلاحظ عليك حاجه ،بس المره دي كنت
ماشيه وسرحانه فيه بقول اه لو اقابله اطمن عليه اعرف احواله فجاه بدون سابق انذار انشقت
الارض وظهر تنحت اكلمه ولا امشي مش عارفه،

قال :ازيك قلت له: الحمد لله انت عامل قال: كويس اخبارك انتي ايه عامله ايه اللي جديد في
حياتك ولا مفيش جديد ،ضحكت وقلت له :ياه من 2004 لحد دلوقتي مش عايز حاجه جديده
في حياتي ده انت بعد 6 شهور اتجوزت ده انا اتجوزت وعندي بنتين حسيت للحظه انه
اتصدم قلت وانا لابسه وش البرود ايه فاكر انها هتقف عليك ،ضحك وقال :لا مبتقفش علي
حد ،قلت له :اخبارك انت ايه شغلك ومراتك ،حسيت انه مش عايز يرد بس قال وصوته مليان
بالانكسار والهزيمه :اتجوزت بنت خالي اللي كنتي حسه من ناحيتها بحاجه غريبه فاكره امي
ياما  طفشتك عشانها وفي الاخر سبتك واتلككت علي اي حاجه قبل جوازنا بشهرين واتجوزتها
وياريتني ما عملت كده ،

قلت بمنتهي الفضول :ليه ايه اللي حصل ،رد وكانت اجابته مفاجاه :اتجوزنا وبعد شهرين
كترت الخلافات وفي يوم جابت امها اللي هي مرات خالي ولقيت هدومي في شنطه و اما
حاولت ازعق لقيتهم رفعوا عليا السكينه تصوري اللي كانت هتموت وتجوزني بنتها وبتبوس
ايد ماما عشان اتجوز  بنتها ،قلت له :وبعدين ،قال :الهانم كانت حامل ونزلت الطفل وقالت
انا مش عايزه طفل منه قال فجاه شمتانه فيا ،جاوبت بدون تفكير:عشان اللي عملته فيا ليه
انت متستاهلش اني اشيل ذنب الشماته اللهم لا شماته وربنا بيدي كل واحد علي قد عمله

وقلت :عن اذنك رايحه اجيب بنتي من المدرسه ،وقال طب هاتي رقمك انا سبت مراتي
ومن ساعتها مفكرتش ارتبط محتاج اتكلم معاكي ،قلت له بقسوه :واما جوزي يسالني بتكلمي
مين اقول له ايه انت فاكرني اني زي طليقتك هافتري علي جوزي انا بحب جوزي اللي
عوضني عنك وسبته ومشيت ،ولحد دلوقتي معرفش الدموع اللي نزلت دي ندم علي ردي
عليه ولا صعب عليا ولا افتكرت ايامه معايا.