الحاسة السابعة
بصراحه انا عندي احساس ان الموضوع ده هيكون موضوع متفاوت النسب عند كل واحد مننا ،
لاني هتكلم عن الحاسة السابعة ، وطبعا اول مشهد هيحضر في بال اي شخص لما يشوف كلمة الحاسة السابعة
هو مشهد الزوجه اللي اكتشفت خيانة زوجها الحويط جدا واللي مش سايب اي اثر لجريمته
ومع ذلك هي عرفت ومتاكده .
هي ملهاش اي علاقه احيانا بدلائل ملموسه ، اقصد مش لازم ان الزوجه دي تكون وجدت دليل بالفعل ،
هو مجرد احساس واضح عندها وتصرفات متغيره من ناحية زوجها ممكن تكون للاسوء او الافضل مش شرط يعني
لكن اللي هتكلم فيه هي الحاسة السابعة عموما ، انا بصراحه بتنفعني جدا ،
عشان اوضحها اكتر هي لما انك تشوف شخص ما ومتعرفهوش بس تحس ان الشخص ده شخص اناني او سئ
او عاوز منك حاجه معينه لمصلحته او انك تحس انه شخص ودود ولطيف بيقدر الصداقات
او ان الشخص ده غيور جدا او شخص مستهتر ،
بعيدا عن الدراسات انا مقتنعه ان الحاسه دي بتنتج من القلب والعقل سويا
وان كان للعقل الجزء الاكبر فالاستنتاجات اللي بتحصل ،
الدراسات بتقول ان اي شخص ممكن ينمي الحاسه دي جدا عن طريق التامل
انك تلاحظ اي شئ بيحصل وتلاحظ تصرفات الناس اللي عاوز تحس بشخصيتهم
وتعرفهم من غير ما تضطر للاحتكاك بيهم ،
وده فعلا بدات اقوم بيه اني استمر في التركيز علي تصرفات الناس حتي ولو كانت ليس لي دخل بها وبصراحه ده بيجنب الشخص انه يتعرف علي اشخاص مستاء من تصرفاتهم وبمعني اخر حاولو تضموا الحاسه دي لاجهزه الاختيار زي القلب والعقل وان كان الترتيب الصحيح هيكون العقل ثم الحاسة السابعة وبعدهم القلب ،
ودي طريقه تضمن عدم وقوعك فخطأ الاختيار ، جربوها مع اي شخص وهتثبت نجاحها .
