طبعا كلكوا داخلين عايزين تعرفوا هو بايه صح ؟ طيب مش هقول ههههههههه
خلاص هو محشى ورق عنب بالبفتيك تاتاتا
ايون بجد طعمه هايل وياسلام بقي لو في عزومه هتبهرى ضيوفك بيه طبعاااااا
يالا على الوصفه
بصي يا حلوه اول حاجه ورق العنب يتسلق في مايه وحبه زيت صغيرين وعصره لمون علشان يكون ممزمز كده ههههه
حلوه ممزمز دى خلصتى حطيه على طول في مايه ساقعه وشيليه واركنيه على جنب
تروحى بقي تجيبي البفتيك تغسليه كويس علشان الدم وتسبيه يتصفى على منجيله تانى
الخلطه كله نى فى نى مع بعض الملاحظات
هتجيبى الرز المصرى الحلو بتاعنا ده تغسليه كويس وبالمره اغسلى وشك بيه افتكروا الجمايل دى بينور الوش
الموهم هتغسلى الرز كويس وتصفيه من مايته وتقطعى عليه 3 بصلات بس خلى بالك لازم تقطعيها كبيره شويه مش تنعميها اوى
وبعدين تضربي الطماطم بتاعتك عادى خالص بس برضو مش تنعميها اوى لا هى دى التكه الجديده تخليها برضو خشنه حبتين كده انا قولت اهو مش ناعمه وتقطعى الخضره شبت وبقدونس وكزبره اوعى تنسي تغسليهم وتصفيهم يا قطه بلاش فضايح 🙂
وبعدين تحطى معللقه صلصه طماطم وزبده وحبه زيت وملح وفلفل اسود بهارات محشي او اى بهارات انتى بتفضليها وتقلبى كله كويس والافضل انك تخلطى الرز والبصل والبهارات الاول كده حلو وبعدين باقى المكونات السر بقي انك تجيبي واحدتين بفتيك وتقطعيها مكعبات بحجم البصل كده ولو معندكيش يكفى ممكن لحمه بس تكون صغيره علشان تلحق تستوى مع الرز .
كده كله جاهز عندك يا جميله تروحى تجيبي حلل صغيره مش كبيره ممكن كبيره عادى بس الاحسن صغيره وهى دى بقي التكه الاخيره والمهمه
تجيبى جزر تبشريه وبصل شرايح وممكن حبه فلفل اخضر ولو عايزه طمطمايه وممكن بصل وجزر بس وتحطى رصه بفتيك ورصتين محشر ورصه بفتيك تانى ورصتين محشى لغايه متخلصى لو مش عايزاه فى نفس اليوم ممكن تحطيه في الفريزر على طول وبعدين تسويه والتسويه بتكون بالشوربه تغطى اخر صوبع كده واول مايغلى توطى اوى النار تحته ولما يستوى تقلبيه في طبق التقديم ولكى ان تتخيلى المنظر الجزر على الوش وبعديه البصل والبفتيك والمحشي بجد وااااااااااااااااو روعه
وبالف هنا وادعيلى
