هي ليه الناس بقيت كده مبقاش عندها احساس ،يعني ليه اللي اتعودت تسعده مبيحس بوجعك وزعلك ،مش حق مكتسب ماهو الواحد اللي بيسعدك ده مش حق مكتسب في حياتك مش ملاكي ،مش واخد توكيله يعني ،يعني مش الاراجوز بتاعك دلوقتي يضحك ويفرحك ماهو انت مش في السيرك وفقرة الاراجوز اشتغلت ،يعني ليه الواحد المفروض يدي ومايخدش ولا يتشكر ولا يتقدر ،لافي بيته ولا في شغله ،يعني تعمل شغلك علي اكمل وجه وتزود من عندك وتتميز وفي الاخر علي اقل غلطه تتعلق وتتبهدل وكل الحلو يتنسي ثانيه تتباع وتتسلم تسليم اهالي ،وزمايلك من باب المنافسه يوقعوك في مليون مطب عشان يظهروا احسن ،و زوج الهنا اللي اقل غلطه بتعملها يديكي محاضره ودش بارد حتي لو قدام مين وينسي انك فيه الف حاجه وراكي ومليون حاجه علي كتفك ومليون فكره في دماغك وبيت وشغل و بنات ،ايه ليه يعني ليه مطلوب نسعد الناس واما نتعب منتقدرش ولا حد يحس بينا احنا برضه بنتعب احنا مش اجهزه احنا بني ادمين من لحم ودم ،الاحساس نعمه بس مين يقدر ان الست عامله زي الفراوله اما تيجي تقطفها لازم تلبس جوانتي لانها حساسه ممكن تجرحها بكلمه بنظره بفعل شئ ممكن يكون عادي بالنسبه لك ولكن لها ده صعب ومستحيل تتصور انها تتعرض له ،فيه ايه لو قدرتها واحترمتها ،اللي مترضهوش لنفسك مترضهوش لها ،ترضي في تعبك وظروفك الصعبه تنشغل عنك وتهتم بحاجه تانيه وتهملك ،ترضي في ضيقتك تبيعك ،هي مش عبد بينفذ رغباتك وطلباتك هي امك اختك مراتك حبيبتك عشيقتك ،هي مش خادمه ولا عبده ولا سكرتيره هي كل حاجه واي حاجه في حياتك ،هي ست الكل ام ولادك اللي مستحمله عيوبك ومصايبك و شيلة همك ،هي اللي من غيرها حياتك تتشقلب وتتعفرت ،هي اللي كلمه تحسسها انها ملكه وانها كل حاجه ،وكلمه تدمرها وتنزل معنوياتها للحضيض،مش معني انها بتقف جنبك وانها جدعه يبقي ده حق مكتسب ده زي ما اتربت واتعلمت ،ياه ربنا بيخلق ناس بتسعد الناس بس اصعب حاجه انك متحسش قد ايه هما بيتوجعوا من جواهم.
