في الفتره الاخيره أنتشرت المهرجانات والاغاني الشعبي أنتشرت بطريقه كبيره ولمعت معها اسماء مغنين مثل أوكا وأورتجيا والسادات وأسماء اخر وبداء الكثير يهاجمهم ويقول عليهم انهم ليسوا فنانين وانتشرت صور ومقالات علي الفيس يهاجمونهم ويقولون في وجهه نظرك هل هم فنانون ام شمامون وف ظل هذه الهجمات الكثيره عليهم من كل الاتجاهات ومحاربتهم من الكثير من الناس علي الرغم من كده بس شعبيتهم كل يوم بتزيد عن اليوم الي قبلوا وبيوصلوا ل ناس أكتر واغانيهم دايما.
احب بقي اقول الي الناس الي بتهاجمهم انكم مهما قولتوا عليهم هيستمروا وهيفضلوا ينجحوا والي بيعملوه ده فن بس انت مش متعود عليه زي مثلا لما تجيب حد من طبقه وسط او فقيره وتخليه يتفرج علي الباليه أو يشوف الرسم هيقوله عليه وش ان ده مش فن وهيقول علي الباليه ان دول ناس بترقص وخلاص وهيقول علي الرسم ان دي شويه شخابيط وخلاص وواحد بيضحك علي الناس وشويه ناس هبله بتدفع ملايين عشان يشتروا شويه الشخابيط دي في حين انك انت ف الطبقه العاليه شايف الباليه والرسم ده فن وعشان هم بيعبروا عنك وعن شخصيتك وقريب منك وبتعرف تتذوق الفن ده.
أولا المهرجانات والاغاني الشعب برضوا نوع من انواع الفن بس الاغنياء والطبقات العاليه عمرهم ما هيفهموه دايما بيقولوا أيه القرف الي بتسمعوه ده بس الطبقات المتوسطه والفقيره متمسكه ومستمره ف سماع الاغاني المهرجانات دي عشان هم شايفين انها بتعبر عنهم وعن شخصياتهم وعن طريقه حياتهم ومناسبه ليهم أكثر لان حياتهم دائما صاخبه ومزدحمه فهذه الاغاني من المهرجانات والاغاني الشعبي مناسبه أكثر أنواع الفن مناسب ليهم.
وطبعا انت مش هتصدق كلامي وتقول ده كلام مدافع عن شويه شماممين أتعب وأنزل شويه من برجكك العالي وجرب عيش يوم واحد من حياه سواقين التكتك أو الميكروباصات وشوف هتسمع أغاني ايه هتفضل مستمر علي أغاني الهاديه والكلام ده ولي هتلاقي المناسب ليك أكثر انك تسمع أغاني شعبي ومهرجانات جرب وأبقي احكم بنفسك
ثانيا زي ما انت بتحترم ومعتبر أغاني الروك والراب الاجنبي فن وبتقول علي الي بيسمعها ده واحد بيفهم أعتبر المهرجانات والاغاني الشعبي ده برضوا روك وراب بس مصري واعتبرها فن.
